بەكارهێنانی نانەتەوەییانەی پرسی نەتەوەیی..هێرش بۆسەر ئیسلامییەكان وەك نموونە

ئهبوبهكر كاروانى

یەكێ لە كێشەكانی ناسیونالیزمی كوردی، كەم تواناییەتی لە پێكهێنانی یەكگرتوییەكی نێوخۆیی، ئەم كێشەی ناسیونالیزمی كوردی هێندە گەورە و فرەرەهەندە، گەورەترین مەرگەسات و كارەساتو ئازاری نەتەوەییش ناتوانێت تێی پەڕێنێتو چارەسەری بكات.
كوردو ناسیونالیزمی كوردی زۆركەم نەبێ ، توانای دروستكردنی كۆدەنگی نیشتمانی لەسەر ئاستی پارچەیەكی كوردستان و نەتەوەییان لەسەر ئاستی پارچەكان و خۆرهەڵاتی ناوەڕاستدا نیە. دواترین نموونەش پەلاماری ناڕەوای توركەكان بوو بۆسەر رۆژئاوای كوردستان.